VKM MBI PËRCAKTIMIN E KRITEREVE, STANDARDEVE DHE PROCEDURAVE TË PROGRAMIT TË ÇERTIFIKIMIT PËR PROFESIONISTËT E SHËNDETËSISË

Të nderuar kolegë,

Me hyrjen në fuqi të VKM mbi “PËRCAKTIMIN E KRITEREVE, STANDARDEVE DHE PROCEDURAVE TË PROGRAMIT TË ÇERTIFIKIMIT PËR PROFESIONISTËT E SHËNDETËSISË” Ju bëjmë me dije se:

• Cikli i ri i riçertifikimit do të përfshijë farmacistët dhe ndihmësfarmacistët
• Ky cikël i riçertifikimit do të zgjasi 4 vjet, brenda të cilit Ju duhet të përfitoni 60 kredite.
• Numri minimal i krediteve të domosdoshme brenda një viti është 5 kredite.
• Secili farmacist apo ndihmësfarmacist duhet qe me shume se 50 % të krediteve ti përfitoj nga aktivitetet e zhvilluara brenda specialitetit
• Me anë të edukimi në distancë nuk mund të përfitohen më shumë se 50 % të krediteve.
• Me anë të vetëraportimit të literaturës së lexuar nuk mund të përfitojnë më tepër se 20 % të krediteve.
• Raportimi i krediteve duhet të bëhet brenda vitit gjatë të cilit janë ndjekur, pranë QKEV.
  
  

Nga detyrimi për të përmbushur numrin e krediteve përjashtohen për këtë cikël:

• Ata profesionistë, të cilët dalin në pension brenda periudhës 4-vjeçare të ciklit dhe që nuk do të vazhdojnë ta ushtrojnë profesionin e tyre në sektorin privat.
• Profesionistët, të cilët gjatë një viti kalendarik të ciklit të programit ndërpresin punën për një periudhë 4-mujore ose edhe më gjatë
• Profesionistët që punojnë në administratë

Për informacion më të detajuar Ju lutem drejtohuni Vendimit të Këshillit të Ministrave, datë 22 shtator 2015.

Ju falenderojmë për mirëkuptimin!