Aktivitet me titull: “Analiza dhe vlerësimi i përshkrimit dhe përdorimit racional të barnave në pediatri”.
Të nderuar kolegë!
Urdhri i Farmacistëve të Shqipërisë do të organizojë online, aktivitetin me titull: “Analiza dhe vlerësimi i përshkrimit dhe përdorimit racional të barnave në pediatri”.
Aktiviteti do të zhvillohet nga data 24 deri më 28 dhjetor 2021 dhe është në proces akreditimi.
Ky aktivitet ofrohet falas për anëtarët e UFSH-së, por pjesëmarrësit në këtë aktivitet duhet të kenë likuiduar kuotizacionet ndaj UFSH, deri në muajin dhjetor 2021 (të vërtetuar me mandatin e bankës, të cilin duhet ta ngarkoni gjatë procesit të regjistrimit). Për pjesëmarrësit të cilët nuk e ushtrojnë profesionin aktualisht dhe kanë dorëzuar certifikatën pranë UFSH-së, aktiviteti ofrohet kundrejt një pagese prej 1000 lekë (të reja), prandaj në momentin e regjistrimit duhet të ngarkoni kopjen e mandat pagesës.
Aktiviteti do të zhvillohet në platformën Google Classroom dhe numri i pjesëmarrësve do të jetë i kufizuar, 500 pjesëmarrës.
Ju duhet të bëni regjistrim paraprak në link-un e mëposhtëm, nga data 11 dhjetor 2021 deri më datë 17 dhjetor 2021, në orën 14:00.
Për informacione të mëtejshme do të njoftoheni në mënyrë periodike.