Presidenti

Diana Toma ka lindur në Tiranë, më 24 Janar 1973. Ka kryer studimet e larta pranë universitetit të Mjekësisë Tiranë, dega Farmaci, në vitet 1991-1996. Nga viti 1996 deri në fund të vitit 2013 ka ushtruar profesionin e farmacistes në farmaci të rrjetit të hapur në Tiranë. Në vitin 2003, zgjidhet Kryetare e Sindikatës së Pavarur të Farmacistëve të Rrjetit të Hapur, e vetmja sindikatë aktive e cila ndër të tjera arriti negocimin për herë të parë mbi kontratën Farmaci – ISKSH. Që nga viti 2003 e në vazhdim, ka qenë pjesë e të tëra diskutimeve Farmaci – Fond, si dhe për të tëra problematikat e sistemit farmaceutik. Ka qenë pjesmarrëse aktive në seanca dëgjimore të zhvilluara në Komisionet Parlamentare të Shëndetësisë për çështje të ndryshme si: ligji i barnave, ndryshimet e marzhit të tregëtimit të barnave, mbivendosjen e tvsh së barnave etj. Aktive ka qenë dhe në median e shkrua apo atë audiovizive, lidhur me çështje që shqetësonin sistemin farmaceutik. Në tetor të vitit 2013, zgjidhet Presidente e Urdhrit të Farmacistëve të Shqipërisë dhe ushtrimin e këtij funksioni e fillon në janar të vitit 2014.